كلمات غزاااوية على كيف كيفك (خاص بالغزاوية ) ..

بعض معاني الكلمات الفلسطينية والغزاوية

اليكم معاني كلمات فلسطينية !!!

تطلي = نوع من انواع المربى

بنكيت = الرصيف في الشارع.

البيارة= المزرعة.

شمينت: نوع من انواع اللبن "مفردة من مخلفات العدو الصهيوني"

الكوربة = راس الشارع = لفة آخر الشارع

ضاوي = فاقد = ما بفهم اشي

براد = بكرج = إبريق بنقول براد الشاي أو بكرج الشاي

بشكير = منشفة اللي بنشف فيها وجهنا على الصبح ...

فرشة :: معناتها فراش بس احنا بندلعها فرشة

ابطيني :: يعني بياكل اكل ما شاء الله ولا هو داري عن حاله

بابور = زي فرن الغاز بس على صغير واله عين وحدة وبشتغل على الكاز (بابور الكاز)

مخدة = وسادة

زرفيل = قفل الباب

اقلط الشارع : اقطع الشارع

عشرطعش : يقصد فيها الكثرة من الشئ ..

تخت = سرير

رمزور = إشارة مرور ضوئية

كلنس = محارم

سطل = جردل = دلو

هواية = مروحة

نونه=يعني شوي

ونجك حالك=يعني زبط حالك

روق يا ضاوي=يعني وحد الله يا مجنون

على بلاطة=يعني من الآخر

كوشي=يعني اسود

شكشوكه : (اكله ) بندوره وبيض

بابوج = شبشب

معصلج = مزرجن = مش راضي أو بمعنى آخر راكب راسه..

مقلمة = علبة الأقلام اللي بكون شايلها الطالب تاع المدرسة

فورسة = فسحة اللي في نص الحصص في المدرسة(سااعة الانتظار)

كنتين = كافتيريا المدرسة

صف = فصل المدرسة

الدالية = هي شجرة العنب يقال :::: تعال نقعد تحت الداليه :::بمعني ::: هيا بنا نجلس

تحت شجرة العنب.

الزغيرة = الزغنونة = صغيرة

جمطة =يعنى ما بتنبلع =ما تنزل من زور

طشه = يعني فسحة او طلعة علي البر او علي البحر

اجنص = " جديد من النايلون " .. (New)

سطل = " جردل " ... الايناء الذي يحتوي الزباله او المياة لشطف البيت

مواسرجي = " السباك " ... الرجل الذي يقوم بتصلح المجاري ...

حنفية = " صنبور " ...

مية متلجة = " مياة مثلجة " ...

ورا الدار = " خلف البيت " ...

قزاز = " زجاج " ...

سيرج = " زيت الذرة او زيت عباد الشمس " ...

سقاطة = " حصالة " ...

قداحة = " ولاعة " ...

بربيج = " خرطوم المياة " ...

لنش = "سفينه صيد اسماك كبير " ...

حسكة = " سفينة صيد صغيرة " ....

شياطة = " الاداة المستخدمة في التزحلق على امواج البحر " ...

زمور = " منبه السيارة " ...

كوربة = " التفاف الشارع " .. تقاطع يعني ...

منقرز = " محتاج الى سيجارة "

شخبطة = " خرابيش الجاج " ...

شقلب وجهك عني= يعني ما بدي اشوف خلقتك

سبهللة = يعني بدون مسؤولية

افتح مخك وطقطق دنيك = ركز معي الله لايسيئك

تلقحيه = واحد رامي حالو علينا

دكانة = سوبر ماركت

نتخرف = ندردش مع بعض

ام العبد و ابو العبد = اسم فلسطيني قح (هههههه)

قُح = عالاخر

فرم الشاب = طحنه = خلاه زي الطحينه

(فعصو) = خبط في بطنه هلكه

جلدة راسه خميله = عبيط او ( بفهمش بسرعه )

بدكاش=ما بدك

شاكوش=مطرقة

فطبول=كرة قدم.كرة سلة

طقية=قبعة

شمر = ارفع البنطلون او الجلبية وافكح او اجري

قرفان = واحد مش طايق حالو بالمرة.

سك عالدم = يعني انسى ومش فايقلك

بردقان (بضم الباء وتسكين الراء) يعني برتقال بس الواحد بيكون مستعجل

بوزك = وجهك

زير = الاناء المصنوع من الفخار يوضع في الماء

قشاط = اللى بيكون على البنطلون

طنجره = بالمصرى حله هاى اللى بيكون فيها الطبيخ اسمها طنجره =طاسه

هلقيت = الان بس احنا النا بعد تانى عن الحياه

شقفه = حته قطعه

ايع = يعنى قرفان من اشى

اوعى تتزحلق = يعنى تندب دير بالك فى صابون على البلاط

الخوصة : يعني السكين

شرشف = ملاية

جربان = شراب (عند المصريين)

شاف = اللي بيحطو فيه الميّة

ليدن = علكة

احلقلو = طنشو = ما تعبرهوش

ترللي = مهوي = اهبل

عجأة عفجأه .. ايتيكيت عالموكيت .. مرتب عالمكتب .. والعدة عالسدة

يجاكر = يعاند

زبدية: صحن من الفخار لعمل الدقة الغزاوية.

ورق دوالي: ورق عنب

قمباز = لباس فلسطيني يلبسه الختارية

سجرة:شجرة

اسكومية :يعني ايس كريم هههههههه

الفرشوحه =يعني سندويش الشاورما بالغزاوي القح

ريحة : يعني عطر

قصافة: يعني مقص أظافر

هلأ = الان = هسا = الحين

مطعوج: من الفعل انطعج والمصدر تاعو انطعاج وهو الشء المعوج

فشكة:- بيت الرصاصة الفارغه...والبعض يطلقه على الرصاصه نفسها بعد ما تطلق

ازعق عليه: نادي عليه

ضلك كاوي: ضلك ماشي على طول (نفس الطريق)

يختي: اسلوب نداء للمؤنث

يخو: اسلوب نداء للمذكر

بعكش = فتش = ابحث = دور

جُحْ= غزاوي جُحْ = غزاوي أصيل

بسكليت = يعني دراجة

كلمات حلوة والله ولزيزة بس خاصة بأهل غزة فقط

هههههههههههههههههههههههههههه
ربنا يجازيكي
مشكوووووووورة اخت ميوم
بارك الله فيكي

"" علي الموضوع المميز ""

جدا اخت ميوم الموضوع كتير رائع و مميز للفلسطينييييييييييييييييية تسلمي حبيبتي

» افقع ضحك مع نكت على كيف كيفك هههه
» كلمات جميلة جدا
» كلمات معبره جدا.......
» كلمات تمس القلب
» $$$ /كلمات من ذهب على فراش الموت /$$$