مش اقل من.........انسان.

[color=green]

ذاكر ... قوم ذاكر .. مش هاتذاكر ؟..السنة خلصت ..انت هاتقضيها نوم ؟
والله ما انت فالح في سنتك .

كام مرة سمعنا الكلام ده ؟
لما كنت باسمع كلمة ذاكر .. كانت الدنيا تسود في وشي
واحسد كل اللي ربنا اكرمهم وطلعوا م التعليم بدري بدري .
..............
كنت طفل موهوب بالاستيعاب والقدرة علي التحصيل
لكننا بنكبر واهتماماتنا بتزيد ونراهق.. واحلامنا تشغل وقتنا
ونبدأ نشوف الناس بعين تانية ونشوف نفسنا بألف عين ...!
وتقل مساحة الصفا في عقولنا ... وبعض مننا يملا فراغ قلبه .. بروحانيات الحب في الله ... في اتجاه ديني محبب للنفس
والبعض يكتشف في نفسه هواية جميلة تاخد نفسه ووقته وتفكيره ...!
والمستقبل يترسم باجمل صورة ...
اشوف نفسي مرة طيار.. ومرة بحار ... واشوفها جميلة في صور.. منورة اعلانات .... واملا حيطان البيت بصور ابطال في الفن والادب والرياضة
البطولة هي طعم الشهد لكل مراهق ....

وافضل اطير مع احلامي واوهامي للسحاب ........![/color]

بس لحظة ... ايه ده ...؟
انا لسه في ثانوي ... ويمكن اكون روحت الجامعة .....!

قوم ذاكر .... والله ما انت نافع ....

هذه المرة تناديني امي :
يا ابني ابوك معلق امله عليك... نفسه يشوفك مهندس قد الدنيا
وسلطت عليّا اخويا الكبير
وبكل ضيق الدنيا يسألني:
انت ناوي تذاكر امتي ؟
ارد بكل خنقة :
لسه بدري ... قدامي كتير وانا بالحق نفسي في الوقت المناسب.!
يقول بفراغ صبر :
لاء .. كل الموضوع انك مرتاح كده ...
بتاكل وتشرب .. وتسهر مع اصحابك ... وتصحي براحتك ...
هاسألك سؤال واحد وماتردش عليا دلوقت
لو سقطت ... مين اللي هايشيل مرارة فشلك ؟

وسابني ومشي ....

ولحد النهاردة هوا مش عارف ان سؤاله غير حياتي وتفكيري

كتير سألت نفسي : انا عايش ليه ؟
وبتوه كتير في الاجابة ....
ومن يومها قلت لنفسي ...
بابا مسافر متغرب ... محروم من كل حاجه حلوة... علشانا ...!
وماما الدنيا كلها عندها... احنا .. بتفتح عينيها الصبح علشانا وتغمض بالليل بعد ما ننام احنا ...!

اخويا الكبير مشغوووووووول لشوشته بالسياسة .....!
والجماعة بتوع امن الدولة بيحبوه وبيعزموه عندهم كتير ....!
والتاني ... اللهم احفظنا بيكتب اشعار وروايات وقصص .. وبينزل عليه مش عارف وحي ايه كده ....!

طيب وانا ......؟
ايه دوري ... انا .. انا ... باعمل ايه في الدنيا ؟

عمال احلم بالبطولة والمجد وبس ...!
نفسي اكون مميز ... نفسي اكون مفيد ....

اصل هيه دي البطولة ... واحد مميز في حاجة .. وبالتالي بيبقي مفيد للناس
ويوصل للشهرة ... حلو الكلام ...؟
طيب ازاي ابقي مفيد وانا فاااااااااشل ؟
مفيش غير طريقة واحدة .... اني اكون عِبره للناس ........!
يا نهار اسود .... لاء طبعا ... مش هوا ده المطلوب

خلاص يبقي لازم ابقي ناجح ... ده شرط البطولة والمجد
طيب ... علشان انجح لازم اتعب ... ؟
طبعاً .. هوا انت عمرك شفت بطل نايم في العسل نوم..
والناس بتسقف له؟

ابدا ... البطل دايما بيتعب ويحارب كمان ...
بس احنا مش حاسين بتعبه ... انما احنا شايفين نجاحه وشهرته بس...!
قالوا: مفيش فرحان في الدنيا.... زي مين ...؟
طبعا الفرحان بنجاحه .... طيب حد عارف ليه ؟
اه مظبوط .... علشان تعب قوي في النجاح ده ..!
والدليل علي كلامي ... ان اكتر واحد فرحان بالاكل.. مين.. ؟
برافو عليكم ..... الصايم لما يفطر المغربية ....!
.........

الموضوع مش اكل ولا شرب.. ولا مذاكرة كمان .. ولا حتي مجد وشهرة

الموضوع اني اتولدت انسان ...
ضعيف .. لكن عندي ارادة ..!
ظلوم ... لكن بحب العدل ..!
مجادل ... لكن باستجيب للحق ...!
خطاء ... لكن باستغفر واتوب ..!
مش لازم اكون بطل ولا مشهور ... لكن كفايه اني اكون بني ادم ...!
انسان ...
عنده قلب ... وعقل ... وروح ...!
وباحترمهم جداً
مش اقل من كده
مش اقل من ... انسان ...!

يسلمو اختي

موضوع روووووووووووعة

» كي تكون انسان رائع ...؟